酒後調理篇

 

d6

近日在家閉關養 , 滴酒不沾 , 以淨身心 , 亦趁機分享一套酒後調理治本之法。

我以前在品酒基本功系列中酒後頭痛的迷思” 有提過 “解酒三寶” ,  間唔中一次酒宴這可以說是頗有效及快捷的治標之法。但若連環炮幾晚飲 , 積埋埋 , 這方法就未必是最好 , 下列方法由本人御用中醫提供大家參考。

d7

A) 去藥材舖買 “葛花” 二錢 , 好平幾蚊搞掂 , 通常我會買十幾包放屋企 , 飲完歸家 , 用個茶壺熱水焗三分鐘當解酒茶飲 , 飲完去 , 幫大家解酒毒。 

d8

第二天早上焗花旗蔘水飲 , 功能是補氣清熱 , 這配搭試過比三寶更有效。

B) 護肝對飲酒人很重要 , 平時 Wine Dinner 又飲又食又夜 , 食物肥膩難消化 , 好容易肝火盛 , 得唔好 , 心煩氣燥 , 所以我一早中醫跟據我體質條平肝火的藥方 , 我通常一星期飲 一、兩 次作保健調理 , 好好多及好舒服。

C) 平時食得肥膩多 , 好容易有”脂肪肝” , 若再加飲烈酒會好傷身 , 食中藥亦可以去肝脂 , 肝脂要較長時間調理一星期兩劑要食半個月 , 就可清晒 , 但要戒肥膩 , 食清 , 額外加送腰圍減了二吋。

 

d10

D) 怕麻煩又懶可以去國貨公司買溪黃草沖劑沖水飲。 (上圖沖劑由酒友 Maria Wan 介紹及送贈)

上列四種方法主要調理身體 , 調理身體一定要俾時間 , 不可期望一劑搞掂 , 藥到病除 。最好每星期一晚早 (比平時早 2 hrs ) , 若加埋劑藥 , 包你第二朝精神爽利。

d9

一般人都怕麻煩煲中藥 , 唔使講屋企有人煲就梗係 Very Good。 其實一個人要做都一定有辦法:

d11

1.買個電子藥煲 , 加多個 Timer 電掣 , 每朝將藥浸在煲內 , Timer 一夠鐘就自動煲 , 而家電子藥煲好聰明 , 煲好自動熄火保溫 ,  又安全又方便 , 一番屋企就有得飲 , 若要”翻渣” 即時加水再煲 ,  1 .5 – 2 個鐘又掂 。

切記藥最好臨飲 , 以便吸收。

2. 趁假期去睇中醫 , 執 4 – 6 劑 , 一煲煲 , 煲好用樽入起放入雪櫃 , 要飲就用微波爐叮熱飲。

3. 在公司附近間代客煎藥藥材舖 , 買幾個 Thermo , 叫藥材舖煲好入壺 , 放工去取 , 吉壺換藥壺 , 拎返屋企飲臨叮熱飲。

記住副 “偈” 閒閒仲要用四、五十年 , 壞你邊度都唔使去 , 傷風感冒都咁辛苦 , 莫講話副”偈” 有事 , 要對副”偈” , 副”偈”先可幫你做 , 大家自己諗清楚 。