參加了多年酒宴 , 自己幫襯得最多的可以說是 Sinolink 所搞的酒宴 , 喜歡他們定位明確 , 有心有力 , 價錢合理 , 就算唔口味都唔會肉痛。 今次擺明一些 Food Wines 類的 Wine Dinner , 我自己一向覺得 Rhone 的酒很容易配合中菜 , 一來果味鮮甜 , 單寧柔順而不會硬撐撐飲完鞋口鞋面 , 易飲而且又豐儉由人 , 今次 Wine Dinner所選的幾支酒都很稱職 。但今次特別 , 將酒評押後 , 先寫妙趣先 ………

所謂 一米 養百樣人 , 雖然自己接觸 Wine Makers 唔算多 , 亦發覺有些 Wine Makers 帶少許傲氣 , 有些很含蓄害羞 , 有些官仔骨骨似 Banker 多過似 Wine Maker , 有些老餅古肅 ………. 他們襟正危坐 , 例行介紹一些關於酒莊資料 , 支酒點點點 …….. 而在坐的酒友就你有你講 , 我有我唱 , 但當晚幾位 Wine Makers 真的令我大開眼界 , 耳目一新 ………..

第一眼見面以為 Bee Gees 兄弟入 , 四位高矮相若 , 燕瘦環肥 , 年青朝氣 , 碧眼青鬚的型男 , Louis 介紹一輪後四位分坐每。  一輪例行工事介紹少許酒的資料之後 , 上菜試酒 , 相安無事 ……………

突然風勢一轉 , 四位型男好有默契地脫去外套 , 露出制服般的白衫加吊帶 , 跟來個型男四重唱 , 四人聲線和諧有板有眼 , 証明平時跑慣碼頭訓練有素 ……..

真係 Rong Gang Rong Gang 嚇你一驚 , 我等酒友個個目瞪口呆 , 幾乎連酒都噴埋出……….

唱完 Solo 驚喜浪接浪 , “重量級舞男” 出來表演 , 穿花蝴蝶般左穿右插 , 時男時女 , 集 “型”、”盪” 於一身 , 盡展百般美態 ………

主辨單位老闆娘更加入戰團 , 來個中、法舞蹈版 “梁祝” …….

Louis 更不知從何處找來了假鬚 , 成個 “許冠文大軍閥” 一樣 , 又借來吊帶與其中一位對唱 Wine Maker 用中文及法文 , 來個 “雞鴨合唱”,  配襯鏞記的鵝 , “雞鴨鵝”真是一絕 , 足証葡萄酒能打破一切隔膜 , 拉近文化及不同人……….

四位 Wine Makers 各展所長 , 又彈、又唱、又跳、又叫 , 搞到在場個個酒友 “慶晒 , High 晒”, 現場氣氛高漲成個 “熱情的沙漠一樣” , 酒友們笑到眼淚直標 ,  如痴如醉 , 驚呼狂叫聲此起彼落 ………

全球性 Multi Skill 已是大勢所趨 , 但誓估唔到 Wine Makers 會咁有娛樂性 , 咁 Party Animal 令我想”光豬六壯士” , 搞到我幾乎想要$20 紙攝佢衭頭 …………

自問見識少 , 如此頂癮的 PR Style Wine Dinner 又真係好玩又少見 , 搞到我心郁郁及血脈沸滕 ,  若非有病在身又身困死角 , 必定落場玩埋一份 , 玩拉龍 , 跳跳集體舞 ……… 大家玩到好鬼開心 , 今次真係名附其實的 “酒佬也瘋狂”

究竟呢四位咁 “騎呢搞”  Wine Makers 會釀酒出呢 ,  留意下回分解 …………