職、戒 (四) – 愚忠 | AM 的品味人生

忠心是一高尚的人格美德 , 但關鍵在於你是否找對效忠的對像 – AM

君要臣去死 , 臣可否不死?

這是一個極具爭議性的問題 , 在古時是天經地義的事 , 忠臣永遠受人崇敬。但到了廿一世紀這傳統觀念講出來真的有點不合時宜 , 人心不古 , 我AM須然亦很注重這傳統觀念 , 但亦要理性相信 “忠心” 一定要揀啱對像 , 更要懂權衡及分晰 , 絕不可”遇忠”。

在職場上你會遇到千奇百怪的老闆或上司 , 一些中庸的類別我不打算花時間細說 , 因他們沒有什麼殺傷力 , 我只講集中講幾種 :

穿 Parda 的惡魔型 – 大家若有睇過套戲或野蠻奶奶中的 O 姐 , 不用多說 , 他們對自己或下屬要求超高 , 行事軍令如山 , 手起刀落 , 果斷明快 , 好多人會好怕跟着這類型上司 , 因為這種上司一定無家庭朿摶 , 全天候一年 365 日一天18小時 , 總知佢一唸到就落 Order , 你真係會做到吐血唔使收工果隻。應付這種惡魔型老闆通常他們都有自知之明 , 千祈唔好妄想一個人搞得佢掂 , 要用車輪戰及人海戰述輪流應付 , 就好似打拳賽一樣 , 唔惦就要埋繩第二個上。若惡魔老闆佢只信你一個 , 咁就到你揾班人幫你去做 – Delegation , 你做 Overall Monitor 及招呼佢 , 千萬不要做傍友或嘗試去了解他們 , 因這類惡魔太自傲又喜歡孤獨 , 他們的城堡監獄是固若金湯牢不可破的。

就工作方面而言 , 有時這類上司可能是千戴難逢的地獄教練 , 我 AM 有幸跟着唔止一個這樣的女上司 , 當時在團隊中十個有九個都唔願意埋身 , 直呈像貓見老鼠走夾唔透 , 個個明哲保身怕多做多錯 , 同事他們有家室顧慮 , 自保亦無可厚非 , 當時我初生之犢那畏虎 , 讀書又不多爛命一條 , 我就用比平常人多一倍的勞力 , 心機去應付 , 埋頭苦幹招架 , 我可以說那幾年是我最辛苦的一段日子 , 早返遲退做到甩肺。但有一事我很奇怪 , 就是這惡魔老闆竟然有追隨着 , 而且個個都好有大將風範 , 直到一次我真的明白了……… 有次我揹鑊揹到應一應 , 俾惡魔老闆閉門照肺 , 狗血淋頭不在話下 , 當時我心中幾乎想 Resign 放棄而惡魔上司亦察覺到 , 她”媽义” 我錯在那裏之餘 , 其中有兩段話我永遠記得 , 那就是”職、戒一” 中“不要在犯錯或低潮時以失敗者姿態離開 , 而要在解決一切問題後 , 以勝利者姿態風風光光地離開 , 令大家都懷念你”第二句是” Everyone wants to go Heaven but no one wants to die”……. 這兩段說話令我相當震憾 , 原來佢係度磨練緊我 ……….

自此我改變了打法 , 我用一種叫 Mirroring “影子模仿法” 將惡魔老闆的核心價值 , 思想模式 , 處事手法 , 說話語調 , 全套 Clone 為己用 , 這方法令我更清楚了解惡魔老闆的思想行為 , 我變成了她的影子。唯一不同的我 Copy 了她的心法但用我另一種 Style 去表達 , 另人更容易接受 ……從她身上我學會太多了。

好多人都好怕蝕底 , 怕辛苦 , 他們將得失睇得好重而且斤斤計較, 步步為營 , “天將降大任於施人也 , 必勞其根骨 , 餓其體膚”這句說話大家必定聽得多 , 一位明君不會在額頭刻了字 , 最大分別是他們會在你黑暗的時候會給你一道曙光及愛才。在我這位地獄教練火煉下 , 我不知不覺間功力大進及脫胎換骨 , 對於這位伯樂我絕對是位忠僕 , 願為她賣命 , 因我想信她一定在我背後支持我 – 士為知我者死 , 又何妨。

相反另一種極端就是那些怕事、無能、又死充的陰濕上司 , 他們最叻明哲保身 , 口中冠冕堂煌 , 口口聲聲俾支持你 , 但他當下屬是件工具或踏腳石 , 衝鋒陷陣一定有你 , 領功的一定係佢 , 一有事就會拱你去死 , 祟上壓下、欺善怕惡……… 千萬別以為你可以攻入他的城堡改變他 , 他們的城堡圍牆建了幾十年 , 除非你強如導彈否則別妄想了 , 試問改變自己都已咁難 , 我們又不是神 , 甚可以改變別人呢? 若你一廂情願對他忠心 , 就真是有點太天真、太傻了 , 亦即是 – 愚忠。

相信大家可能遇過陰濕上司拱你去死的情況 , 螻蟻尚且偷生更何況是人 , 試問有頭髮邊個想做瘌痢? 有得選擇更係會 Say No. , 但好多時會事與願違 , 陰濕上司永遠知你的弱點 – 晉升、加薪、供樓、養妻、活兒 , 為生活為所求 , 好多時你都 No Choice真係要焗住上。 AM 亦有遇過這樣的上司或大老闆 , 有時真係氣頂到你破口大罵 , 最慘就係君要臣死 , 臣可否不死的情況 , 我想問大家點做?

情緒舒解三步曲:

第一步那是要將自己從負面情緒中解放出來 , 一遇到如此情況一定係氣頂 AM就一定會唱這首以下這首歌 , 苦中作樂先消消氣再想辨法。大家聽這首歌一定會苦笑出………..

這是非常重要的 , 頭腦清醒才可以去想出 “理性”辨法。

第二步揾人呻吓舒發不滿 , 加埋助語符號大聲媽义 , 發洩一吓絕對會有幫助 , 總知講到自己都悶為止。

第三步是做運動 , 藉運動或打球改變心情 , 我想說明心理行為是互通的 , 人心情不佳時會垂頭喪氣像漏氣的氣球 , 人高興時會手舞足蹈 , 若心情不佳時嘗試手舞足蹈藉着運動由外至內改變心情 , 這是萬試萬寧的。

b34

正攻邪守十一式

對人處事就像一面鏡一樣 , 以往 AM 所分享都是一些正派手法 , 但有時對付某類小人或陰濕上司就要用某些邪派招式 , 我的做法簡稱”正攻邪守法” 用堂堂正正明刀明槍的去攻擊 , 但用奇門遁甲般的旁門邪法去做防守 , 正邪互濟正反交替使用:

1. 以柔制剛 , 以剛克柔 – 面對欺善怕惡裝兇作勢的鼠輩上司可用, 佢剛你就柔 – 鼠輩怕蛇 , 一於用軟皮蛇功 , 死蛇難鱔功 , 以慢拖快 , 佢吹你唔漲掹你唔長 , 用拖字訣拖死佢。佢柔你則要剛 –用炸型 , 十問九唔應 , 句句吾Q知 , 發佢老脾 , 黑面冷戰 , 佢怕惡你就更要凶佢。

2. 現買現賣 , 公平交易 – 陰濕上司很了解你的所求又或者痛脚 , 利用你的渴求製造假像 , 開空投支票來吸引你去完成他的目標。對付方法是分段迫佢對現承諾 , 唔好心軟 , 避免無間道咁三年、三年又三年 , 仲要連錶都冇隻 ,佢一行咗就渣都冇。我唔係要大家斤斤計較 , 但一切承諾都應在一年內對現 , 唔好俾佢玩分三期即 – 無限期、無了期、做唔到都唔出奇。

3. 廣泛結盟 , 投鼠忌器 – 與其他受害者結盟爭取支持 , 記你敵人的敵人就是你的盟友 , 壯大勢力 , 互相協助 , 就算陰濕上司想“移動”你 , 他都會投鼠忌器。

4. 處處示弱 , 留力出擊 – 陰濕上司不了解甚至不想去了解下屬心態 , 我嘅口頭禪是我係老闆我要你做乜 No Questions Ask , 下屬只是件工具或踏腳石 , 鳥盡弓藏是遲早的事。對應方法是處處示弱 , 留力出擊 , 當他叫你去完成某些 Mission Impossible 時先表現冇信心 , 並遁例依他方法去做 , 當碰壁時才顯出自己真功夫補鑊求亡 , 搞番掂件事 , 一來可試試自己實力 , 另外件事衰咗大家的 Expectation 就會無咁高 , 只要你不是搞到衰多二錢重 , 救得返件事不論多少已算是成功 , 做其”白武士” 亦擦亮自己招牌 , 增加自己 Bargain Power 令佢更信任及依賴你。

5. 抱緊忠旨 , 寧死不屈 – 若陰濕上司叫你做違背良心或忠旨的事 , 千萬要抱緊忠旨 , 先拖而後Say No , 切記 “職、戒二” 我所講保護自己最重要的資產 – “名聲及心安理得”。防人之心不可無 , 趁機搜集證據 , 明哲保身。常言道取易不取難 , 你不就範 , 他一定會揾第二位擦鞋仔肯幫他去做 , 請由他去 , 就算調你去做 “清潔大隊長” 都要忍辱 , 莫爭一時之氣 , 放長雙眼睇佢點衰。真金不怕紅爐火 , 靜待時機返身。 AM 都試過 “龍遊淺水遭蝦戲 , 虎落平陽被犬欺” 的日子 , 永遠要堅信 “龍始終是龍 , 虎始終是虎” , 他日猛虎歸山佢一定無好日子過。

6. 拳怕少壯 , 棍怕老郎 – 陰濕上司最叻講一套做一套 , 叫你去做乜做物 , 但一講到細節 , 他們一定啞晒 , 左右顧而言他 ….. 這類上司一定好大喜功 , 就用這弱點趁機會捉佢落場打埋一份 , 即玩御駕親征 , 唔好等佢以為好易 , 佢愛惜羽毛一定無你咁本死無礙 , 當佢一面對槍林彈雨 , 他一定腳軟 , 大失方寸 , 這時就是你表現的絕佳時候。

7. 沉着應戰 , 穩打穩扎 –這場是持久戰爭 , 佢始終係你上司 , 除非你另謀高就 , 否則你只能令自己保持立於 “不敗之地” 便以足夠。

8. 以彼之茅 , 攻彼之盾 – 這是非常厲害的殺手招式 , 你可複製他的同樣手法去對付他們 , 一個人最難招架躲避的招式 , 就是自己使的一套招式 , 你老闆一定方寸大亂不知如何應付 , 這招根基火喉未夠切勿使用。

9. 凡事留三分 , 日後好相見 – 大家各為其主 , 揾食啫又非殺父仇人 , 可以的話唔好去得咁盡 , 切勿趕盡殺絕 , 留番個位俾人落台 , 記住 “世界輪流轉 , 山水有相逢” , 將心比己 , 面對係你都想係咁。

10. 贏要贏得光彩 , 輸亦要輸得風度 – 勝負仍兵家常事 , 就算有日被迫下台 , 記着有麝自然香 , 東家唔打打西家 , 損失的是他們 , 沒有什麼大不了 , 最重要保持風度 , 不亢不卑 , 上天一定有更佳安排 , 要相信傍觀者的眼光是雪亮的 , 他們崇拜及追隨賢君及英雄 , 你可能已贏了一場無形的戰爭 , 記着我這一句話 “得民心者得天下”。