隆河南北展異彩 , 金豬一絕共相親 Rhone Wines Dinner Part II

自己一向少寫食評 , 不是不想寫而是怕別人當 “繕稿”, 各人對食物要求及口味不同 , 而食肆水準有時亦有參差 , 加上太多因素 , 可能我去時廚師又”師父”到好鬼好 , 而別人去時”親戚”到冇我咁好 , 食完番投訴 , 拆我招牌咁我都無符。而某些食肆又不願將秘方公開 , 我知唔知 , 又怎能寫得深入到題 , 所以我較少去寫。

又正如汪笑年講過 , 任何事經我 AM 的”文人大話” 一講 , 真係陳立品都會變李嘉恩 ……….所以平時我都係點到即止算了 , 但為今晚的主菜 , 我會破例一次 ……….

鹵水牛 , 七味三文魚皮 , 芙蓉煎帶子

鮮蝦肉醬鬆伴脆口生菜包

石燒泡汁炆白肺 – 入心入肺 , 回味無窮

老少平安蒸斑球

豆卜素雞炆頭腩

金陵全豬烤香苗 – 烤豬外皮香脆 , 皮下一層薄薄而軟滑的肥肉 , 下層夾軟綿綿而質感煙韌的香飯 , 飯滲透烤豬油的甘香 , 潤而不賸 , 簡單而又情濃的一種思念 , 令人勾起少時老父煮豬油撈飯的童年回憶 , 整個菜式包含由脆、潤、滑、綿、、軟、香同口感一層層地展現 , 回味細味 , 越食越想食 , 再配以 Cote Rotie Ogier 2004 的柔和而不濃不薄恰到好處的酒體 , 菜式滲入果味 , 酒的酸度亦填補及平衡了菜式的味道空隙 , 為整個菜式增添色彩神釆 , 酒的微細單寧中和了口中的油脂 , 將味蕾 Reset “歸零" , 又可從新品嚐烤豬那充滿曲線的味道美 , 而不覺肥賸厚重。酒與菜是一個集七情(酒)六味(菜)的組合 , 真是人間極品 , 神仙都企唔穩 …………

真係會上腦 , 感覺”殺死人” 就像這首歌 ……….

呢先叫食評 , 並非那種只懂不停重覆鮮味 , 好味 , 加表情的行貨表述 ………..

堂弄牛腩汁灼唐蒿菜 – 要保留菜之特有清甜及肉汁的濃味取一個平衡點不是簡單的。

招牌乾牛肋骨伴大根 – 肉稔入味 , 甜入心窩 , 吃完再呷一口Rasteau VDN 2004 , 當酒味過了後 , 牛肉味會在口腔再次重現 , 這是酒與肉的”回魂配搭法”。

生煎菜肉飽

中西美點薈萃

再次嗚謝 CXB 的專業攝影及最尾笑談普通話的環節 , 真係笑到標眼淚 ………..

Posted by

am1088

Posted on

01/03/2008

Posted under

All About Wine & Dine, Fine Wine Tasting Notes

留言

發表留言

隆河南北展異彩 , 金豬一絕共相親 – Rhone Wines Dinner Part I

這聚會源於自己未經大腦的衝動。

原本自己想參加一個以 Rhone 為主題的 Wine Dinner, 多口句有冇人去 , 酒友個個一呼百應 , 後來才知道那間餐廳麻麻 , 酒友立即打蛇隨棍要求轉由我搞 , 又加上一年前在君怡閣搞了個二軍酒宴 , 試過那出名的金陵烤豬香苖宴 , 幾個酒友又話想試 , 其他酒友立即舉腳附和 , 風頭火勢、群情湧下就係咁我就 “ Fans 屎上身”了。

記得上星期剛搞完 AMs 雙劍合碧 , 其實有段時間係同時搞兩個 events , 最怕亂 , 真係十分吃力。所以約法三章要求各酒友要聽令及協助 , 好彩今次碰需公放假 , 需公最叻去 NL (new lung) 而又平靚的偏門酒 , 一於拉佢落水。又近糧尾 , 我倆要顧住大家荷包 , 經多番研究才定出了酒單 , 決定射程範圍及鎖定目標 , 再由我分派工作 , 金絲雀負責場地安排 , Amycookes 負責會計 , 我同幾位酒友分頭買酒 , CXB 負責攝影 ………

與 Blog 酒友酒聚最好的就係佢會拍照 , 寫 Notes , 上 Blog 而我可以乘機偷懶。畢竟 One Man Two Hands 又統籌、又 serve 酒、又影相、又記資料、又寫 notes、仲要專心品酒 , 又隨時應付 Q&A , 問睇到咩呢類上腦問題 , 真係好鬼辛苦 , 白頭髮都多幾條。

當晚13+1人 (有位不飲) , 而酒的數量為 13 支, 其中有 2 支專程由法國飛過來 Rhone 的 sparkling可惜未能趕及。畢竟世事無完美 , 11 支酒13 位正是我一貫奉行的 80% 原則 , 為免大細超 , 需公要我特別買了兩隻 “公道杯” 定量分配 , 而由我同需公開酒、雪酒、分酒、又出屠龍刀、又呀蘇………專業到嚇死人。