今次用番一個正經 Tone 講 ………….

“職、戒” (二) – 便宜莫貪

“便宜莫貪” 這句話由細聽到大係人都知 , 但這個年代真係少聽人講 , 反而”執輸行頭慘過敗家” 呢句較為 in 一 。

貪婪是與生俱來人性的一個部份 , 名、利、功、色、財 , 我相信好少人會唔貪 , 分別在於不同程度貪念之大少用法而己 , 無人會咁蠢鐘意買貴 , 最好就係最低代價最高享受。 在日常生活中我覺得無所謂 , 因為什麼結果都是自己承擔 , 但在工作環境裏就失之毫厘 , 差之千哩 , 千萬要小心留意。 我不打算背棄潮流 , 同大家講一些贛居不切實際的天方夜譚 , 反而同大家分享一一套理論。

每一件物品都有三個代價位 (Price) – 表面代價 , 隱藏代價 , 後果代價。 好多時我們只重表面價而略、甚至知其他兩個價位的存在 , 沾沾自喜以為是賺了 , 其實可能自己騙自己 , 埋單計數打了個和甚至得不償失 , 所以大家首先要接受這個理論 , 我才可以繼續講落去。

一個重成本效益的商業社會又怎會有如些數 , 所謂 “特別優惠” 一定有下文 (即隱藏價、後果價) , 不是趕出貨、次貨就是有符帶條件的 , 商人唔係善堂一定由商業角度出發 , 冇錢賺的鬼去做。 就舉個例 , 大家一定有過類似經驗就是貪平 (表面價) , 買回來的物品不是易壞 , 功能不齊備 , 冇用 , 就是短命 (隱藏價), 搞一大餐到頭來麻煩到自己去善後處理 (後果價)。 我不是教大家 “嫌錢腥” 只是想大家在思考或做決定時 , 停一停 , 唸一唸 , 問一句究竟這件事的隱藏價及後果價是什麼 , 起碼多點考慮。

身為管理階層 , 越做得高位 , 決策的事就越重要 , 越要明白在工作上要如何保護自己最保貴的資產那就是 ”公正性”,“自主性”及“靈活性”。 而整個 職業生涯 Career Path 中更要保護自己的人格資產那就是 “名聲””尊嚴”及“心安理得”。 而貪便宜的隱藏價及後果價往往是會損害上述的幾個資產 , 而超出賺了表面價的。 生活中的實例太多了, 大家不妨細想一。  這套理念不單可以用在工作上 , 更適用於私生活上 , 當面對誘惑時 , 有無去量這些資產得失或代價等因素?  我希望大家記我所講的這段話 , 最好平時就建立這一套思考模式 , 因為它真的可以保你一世。

我自己做事永遠相信 “世上沒有免費午餐” 的道理。 每次一聽到 ”免費”,  “特別優惠” , 我打醒十二分精神 , 更留意及尋找那切隱藏價及後果價 , 因為現在很流行一套”Pricing Confusion Tactic” , 九百幾個 Plans & Packages 加送送物 , 睇到你眼花遼亂 , 你越亂佢越有機可成 , 加埋摧眠式的 Selling Skill , 真係好易中招。  

另外工作上更要避免欠人人情及收受利益之嫌等損害自己名聲的事 , 這些隱藏價、後果價非同小口 , 可大可少 , 隨時可以令你執包袱。

要記價錢與質素一定會掛勾 , 一分錢一分貨 , 有時我寧願俾 “全費” 因為我不想得到的服務亦被打折扣 , 大家保持公平交易 – “明碼實價 , 童叟無欺" 就最 , 而且我唔使太擔心隱藏價、後果價 , 你話我蠢都好 , So What！始終相信 ”光棍佬教仔便宜莫貪” 這些傳統智慧。

公司Accountant , Controller 同老闆唔會同你咁唸 , AM 以前成日同, Accountant , Controller 講數開片 , 買件唔係最平就寫幾板論文去解釋。 在日常工作中 , 隱藏價有時就會包括一些額外工序 , 時間 , 流程 , 在講求效率的商業社會 , 有時以一個經理人工 Cost / Man hour 去做一慳個雞碎咁多 , 真係得不償失。  我的必殺技就是將三個價都講得清清楚楚 , 然後以”實用性 “, “公正性”,”自主性” 及”靈活性” 去分析 , 老闆佢可能未必同意你 , 但你識咁唸巳高人幾班 , 而且你亦盡了自己專業操守 , 賺回了”名聲” ,”尊嚴”及”心安理得”

非正式統計貪小便宜人的大多數一定貪功 , 身為管理階層若俾下屬標讖係貪便宜的 Cheap 精或貪功的賤精 , 咁隱藏價、後果價就真係好大件事 , 因為別人會用這個兩個負面價去評估你的一切 , 我好相信在 “驚蟄”打小人當日一定會在鵝頸橋底被呀婆打手打到閣下的紙人”攤屍在地” , 又或者在公司所文學旁中獲最高曝光率 ………….上司下屬能上下一心 , 又談何有團隊精神。

做管理階層一定要有風範 , 風範中亦包含了這套便宜莫貪的元素 , 下屬一定俾到足下屬 , 有功必賞有鑊我先揹 , 咁佢先肯服你跟你 , 同你賣命。 若果自己有心上位 , 就一定要訓練自己這方面的素質 , 修正自己缺點 , 正所謂要守身如玉 , 玉潔冰清 , 樣樣事都要光明正大 , 經得Sunshine Test , 而且咁做亦 set up 一個好榜樣 , 避免上樑不正下樑歪 , 遭人話柄 。你識得保護自己最重要的資產 , 同時亦會少了弱點 , 亦令對手無從入手去拉你落水或攻擊你。

在職場生態中有種叫Bargain Demon (精算人魔) 的人種 , 那是一些千方百計花大量精神、時間、功夫 , 去賺到盡每一分一毫的人 , 他們最怕執輸 , 同你計數會計到小數點後三個位 , 呢一類人表面價賺到盡, 其實以精神、時間這些隱藏價也計算在內的話可能會得不償失 , 更不用說後果價尊嚴及心安理得上的損失 , 最慘係人都怕佢 , 佢只能番臭味相投的朋友物以類聚。 同佢打交道要識得俾佢贏面價 , 而賺佢隱藏價及後果價。

另一類人種叫 Sadist (虐待狂魔) , 他們以為俾錢就以為可以使死你的人, 他們真的以為有錢就大晒 , 可以叫太陽從西邊升咁 , 完全違返大自然定律。 這類人理什麼表面價 , 隱藏價 , 後果價 , 因他們跟本不懂什麼叫資產。同佢做生意註定貼錢買難受 , 我只能教你避之則吉及 “Don’t fight with pigs”  AM 以前做服務性行業 (請唔好將字掉轉變第二樣) 見唔少呢類人 , 呢類人自卑感好重以為有錢可以買到尊重、面子 , 通常我都會報以一種表面 “偽尊重” , (分別在於”真尊重是發自內心 , 唔係靠把口”)  – 即皮笑肉不笑 , 笑面迎人 , 背面 X 人 。

有又一類人種叫 Indiscriminate Giver (慷慨施汝) , 他們非常慷慨的及善用金錢、時間 , 精明而又不拘小節 , 最重要的是他不分階級對任何人都寬宏大量 , , 他們明白共生共存的道理 , 要獲得更多就先要付出 , Keep items (money, love, time, care) circulating, 他們在職場上就像磁石一樣 , 身邊永有大群支持及追隨者。 這類人須然蝕表面價及隱藏價 , 但賺回後果價 , 而且Take total control of 公正性、自主性、靈活性、名聲、尊嚴及心安理得 , 是一種 Freedom而且更展示一種力量 。 若你身邊有這類人 , 恭喜你 , 你最好多向佢學習及模份他 , 令自己變成他的影子。

人是理性 / 感性動物 , 好多人做事率性而行 , 未必會咁清醒識得咁去唸 , 而且上述所講的所有資產可能跟本對他們無關痛癢 , 同佢講等於對牛彈琴 , 所以不用太意 , 畢竟人生是自己的 , 做好自己本身就夠 , 因你不知不覺間就會 “鶴立龜群”。