入得廚房 , 出得廳堂 – Chef Table @ Grand Hyatt

a1

中國人有句話就係近廚得食 , Grant Hyatt- Chef Table 究竟有乜特別 , 其實就係在行政總廚的 Office , 裝修一吓 , 加張枱 , 食飯咁簡單 , 同一間 Private Room 冇乜分別 , 唔同嘅係食食吓會請客人出去爐頭 , 由幾位廚司在眾客人面前即場炒菜示範 , 顯顯功駕罷了 , 當然對某些人來說仍有買點。 

然飲食唔係自己強項 , 但偏偏自己部份工作就與廚房結下不解之緣 , 自己亦時常要在廚房試菜 。 所謂賣花姑娘插竹葉 , 所以一聽酒友話食 Chef Table , 自己都有點不為所動 , 但友人誠意邀請 , 軟硬兼施 , 又有種種優惠 , 合指一算 , 計落亦附合經濟原則 , 咁我又點忍心拒人於千里之外。

a2

點知應承才知 “領嘢””陰溝裏反船 “………. 因“花樣官” 突然話要玩個 ”上海之夜 “ – 唐裝、旗袍、鳳仙 、馬掛、肚兜云云 ………我上海大地牌就大把 ,  星爺豬肉佬圍裙就有………..叫我去邊度揾衫?  真係頭都痕埋 ! 加埋仲要返工 , 真係你有壓力 , 我有壓力。  唉 , 出得行就預咗要還 , 冇計上錯賊船 , 唯有認命。

最搞嘢就係 “花樣官” 臨尾家有要事甩埋底缺席 …… 真係唔知講乜好 ! 好彩當晚大部份人都跟遊戲規距 , 而且仲有個翻版 “湯唯”,  “女人味”四射 , 總算對大家有些補償及交待 , 否則廚房咁多利器 , 都唔知會發生乜事。

 

言歸正專 , 當晚因可免四支酒開瓶費 , 所以要揀四支 Magnum , 而我亦要負責揀酒 , 以 Size 揀酒其實選擇極小 , 玩唔出樣 , Food Matching 更加唔使諗只能作普通飲用。

一來當晚菜單以白肉為主 , 而香檳 , Burgundy , Alsace Gewurtztraminer 是三種不同風格 , 不同濃度 , 不同甜酸度的白酒 , 三支酒味涵蓋範圍較廣泛 , 碼不會做成衝突。

Moet & Chandon Brut Imperial – 一般而言飲香檳梗係凍飲 , 充份享受氣泡的活化感覺及 Refreshment 酸度 , 其實這只飲了香檳的一半 , 一杯有質素的香檳放暖冇晒氣時會變成一杯白酒 , 而此時亦是表現一支香檳真正的質素及內涵 。

當然不是每支 Champagne 都能經得如此考驗 , 有些跟本不值一晒。 (同人一樣 , 路遙知馬力)

而 Moet & Chandon 在放暖後質感 , 密度 , 香味同一支高質素 Burgundy 還要好 , (比當晚支 Meursault 還好) 一支酒兩種飲法 , 變相當晚多一種變化。

大家會問咁係有排等?  斯文玩法係要等 , 有一種粗豪玩法是將一杯香檳 , 洗淨隻手 , 用手蓋杯口 , 用力上下搖 ,  (手會濕晒及小心噴泡) , 將香檳的氣搖走 , 此時就是香檳的真貌。大家有興趣不妨試。

Meursault Louis Latour 2002– 尚算幽香 , 表現平穩 , 酸度較高 。

Gewurtztraminer VT Hugel 1998– 溫柔甜美 , 幼滑舒暢 , 女仕恩物。

Chateau Du Pape 2004 Clos Des Papes – Decanted 三小時落杯 , 香味不斷變化 , 熟櫻桃 , 葫椒 , 肉味 , 蜜味 , 香草 ,  酒体溫柔 , 是一支很有內涵、深度、結構的 Rhone 酒 , 現在仍然年青 , 元素仍未融合 , 可以儲存亦可偷步一支酒 ,  此酒我自己都有入貨。

近日工作繁忙 , 今次偷懶 , 為下篇保留少許墨水及精神。

a7

廚師特色拼盤 , 冷盤海 , 鹵水鮑片 , 野菌鵝肝卷

a8

砂窩金湯官燕

a9

雙子炒斑片

a10

黑椒大刀蟹拑

a11

古法鹽焗雞

a12

鴿蛋燴竹林

 

a13

富貴炒香苗

 

a14

芝麻糊燉奶

君悅甜點心

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s