在九月與一位相識十多年的台灣好朋友在 Jubal 晚飯時同老闆提及白松露宴一事 , 我朋友二話不說若果我搞 , 她會從台灣專程來港品嚐捧揚云云 ,神色堅定 , 語氣斬釘截鐵 , 非常認真 , 不單自己來還會多帶一位好友一齊來 , 所謂 “情與義 , 值千金 , 刀山去 , 地獄去 , 有何憾 , 為知心犧牲有何憾……….” 我又豈能令好朋友失望 , 一聲“好”字 , 大家燈下三擊掌 , 一切盡在不言。

白松露俗稱 White Diamond, 叫得 Diamond 價錢就一定絕不便宜 , 冇法 值得與否 , 見人見志,只能說姜太公釣魚願者上釣 , 自己身為搞手仲要連食兩餐 , 苞包重傷之餘 , 膽固醇又要如恆指般再創新高 , 今個月又要賣血乞米 ……

由於酒友多 , 怕順得哥情失嫂意 , 所以打算分兩晚舉行 , 一晚俾自己 Wine Group , 一晚俾 Bloggers酒友 , 同 Jubal 老闆傾了個大概及預算 , 就開始計劃行動 , 飛鴿傳書各酒友。

初步反應唔錯 , 兩晚都滿額 , 心想都算順利 , 可惜人算不如天算 ………….

白松露價格可升可跌 , 大酒店集團財雄勢大 , 蝕得 , 但一般餐廳搞風險其實幾高 , 原本在十月初時己估計升值因素 , 但萬料不到今年竟然大失收 , 產量少了 75% 而價錢由 一公斤 上年二萬幾升到今年五萬幾 , 而且升勢未止 , (真係好過買股票 , 可惜白松露冇期貨 , 否則一定賺到笑) 。 大失預算 , 原本價錢己無可能做到 , 而且為趕及兩餐日期 , 因要 7 日飛機貨 , 仲要即時俾錢買貨 , 消息來得太急 , 殺了一個措手不及 。 同 Jubal 老闆急謀對策 , 要從新訂價及改 Menu , 並設下限若少於某個人數就要取消。

即時通知各酒友 , 並要求酒友們認真考慮 , 決定後付款 confirm 。 價錢有變各人自然有新考慮 , 參加人數亦有調整 , 在人數未達時 , 真是有點擔心 , 天幸酒友對自己的信任及支持 , 個個身支持“You Jump, I Jump” 空缺很快得以補上 , 人數好快達標 ,  真是一額汗。 更榮幸地老友 Simon Tam同 Ca 姐都能出席第二晚會 , 可謂如虎添翼。

今次之後 , 立誓不會再搞白松露如此高風險飯局 , 大家出去酒店食好過。

好啦 , 講咁耐都未入正題 , 先介紹有好料先 ………..

主角白松露

還有黑松露 

野菌中的Queen of the Forest – Chanterelle Mushroom 雞油菌

Jerusalem Artichoke 太陽花莖

有咁好料當然唔會襯白粥 , 白飯 , 為保神秘感 , 菜式及酒配 matching , 會留在第二晚做完才上 Blog , 奉讙有份參加第二晚的朋友敬請留肚 。

其他我有邀請而不能參加的朋友請不要再睇落去 , 以免影嚮情緒 , 令自己心煩氣燥 , 慾心焚身 ……… 記塵世一切盡皆虛幻 , 本來無一物 , 何處惹塵埃 , 回頭是岸…………。

待續 …………..