接上回……

靜觀其變 , 等待時機

我明白到但凡改革必須巡序漸進 , 推行得太快會令下屬無所適從 , 是管理上的大忌。 我亦知道到任何係統在最初的 21 天是成敗最關鍵的 (因為一切轉變會在三星期內習慣)  所以我 set  21 天為第一階段消化期 。我自己連同幾位老三都日日睇到實 , 跟到好貼 , 自己永遠要在前線督師 , 俾人知道管理層係認真唔係講玩 , 而且亦唔係 right timing , 原因如下:

1.      我亦要 buy time 集中火力去 train up 新人 , 令他們盡快溶入體系 , 穩住大局陣腳。

2.      因為有一些中層不太喜歡改革 , 我要令掃把們及老三們熟習整套系統運作 , 讓他們看到成果 , 增加信心。

3.      收集民意 , 爭取支持  – 我經常找前線同員工傾計交流 , 聽取他們對改革的意見及睇法 ,令他們感到我們管理層不是高高在上 , 不食人間煙火只識發司令之人 , 增加員工對管理層的信心及支持。

4.      賞罰清 , 情理並重 – 期間不時有搞事份子會試我低線以身試法 , 所以自己一定要有心理準備 , 軍令如山 , 令出必行 , 有幾次打電話去員工屋企 check佢病假, 屋企話佢冇番過屋企 , 第二日即時俾我捉上人事部照肺。 亦有真唔舒服仲撐住返工 , 俾我的士送返屋企休息 , 你真係病就要休息 , 呢係人權 , 做事合情合理 , 又有人情味 , 不會一味施壓當下屬唔係人。

5.      軟化對抗情緒 – 員工飯堂永遠是最佳的情報站 , 你會聽到很多民意 , 員工對我的手法會一傳十 , 十傳百 …….當然你不可能贏盡好評 , 但要俾人知道你公正及賞罰分明就夠 , 人就自然服你順你 , 唔敢亂來, 亦會少了很多麻煩。

6.  一視同仁 , 建立榜樣 – 自己亦以身作則 , 自己病都是即日交病假紙 , 一樣冇特權 , 師傅教落 “其身正 , 不令而行 , 其身不正 , 令而不行” 要切記 , 唔好俾人話只許周官放火 , 不準平民點燈。

策略性排計畫:

過了三、四星期有一長假期 , 這是我計劃中的一個關鍵大日子 , 我知道班搞事份子去威到通項 , 然後準備一齊請病假休息 ,  正合我意 , 我就將計就計。 正如所料全部以不同時段不同方式請病假 ,  早預此一 , 我等你好耐 ,

放完假第一天 , 發動總攻擊 , 行動前首先我同 Department Head 呀姐及人事部取得共識及配合 , 然後同幾位助手有默契 , 由我負責主持開個員工大會。  我向大家痛陳 “射假波” 利弊 , 清楚說明管理層有決心打擊 “射假波” 之情況 , 講清楚”射假波” 其實是自己同事笨 , 亦技巧地不點名地指出上篇所講 7 項怪現像……….將茅頭指向搞事份子們 , 有些員工的目光己投向某類人仕身上 , 那些身有屎的自然好唔自然 ………. 。 班搞事份子打算搧動其他人 , 但冇人”蘇” 佢 , 個個劃清界線。

開完員工大會後 , 遂個召見幾位 “射假波” 最高記錄保持者。首先見細膽的 , 然後最口疏的 , 最後才見主謀。 如果大家有睇過發哥套監獄風雲 , 當獄警一個一個見獄犯 , 獄犯就會以為你我互篤背脊 , 這亦是孫子兵法中的離間計。

在會面中我真誠地表示關注員工的身體狀況 , 並指出某些 pattern 數據令我產生懷疑………我講 : ” 我絕對信任員工 , 但若我發覺有人利用我的信任而嘗試欺騙我 , I am very sorry , your are  forcing me to take strong action on you , 你迫我不得不採取行動 , 對這方面我是絕不手軟的 ……….如果換轉你坐呢個位 , 相信你都會明白………” 總之令員工知道 Hey, I am watching you………  會面中出現三類反應 :

1.      棄械投降類 – 有細膽的就己經俾我嚇到面青 , 鬼拍後尾枕 , 我問佢講 , 仲爆晒罪證 ,  見完成個 ”謝晒 , 乖乖返去做。

2.      垂死掙扎類 – 有嘗試同我拗 , 死口唔認 , 解釋即掩飾 , 我又平心靜氣同佢講一輪 , 佢同我遊花園我又捉佢番 , 同我講史就俾我一句 “ 過去己過去 , 我希望將來他能證明我睇法是錯…………”總知舞到佢暈 , 廢武功 , 之後放佢走 , 要生要死 , 睇佢自己取向。

3.      寧死不屈類 – 有唔聲唔聲 , 全程遊魂 , 我亦用一些假設性問題試探 , 佢亦以為之前幾個篤佢 , 冇好講 ………… 會見完後佢自己冇癮 , 即時去人事部 resign , 而 resign 果幾個正是惡名遠播的搞事份子 , 我亦同人事部有默契 , 早就預備好份 form , 仲即時批核 , 並縮短 notice period  , 可以的話即走, 反正佢返工都係搞破壞。

在場同我一齊的兩位助手(老三) , 同我講最初好鬼緊張唔知點 handle , 但睇我運用唔同技巧對付 , 剛柔並重 , 恩威並施 , 對大惡人手刀落 , 毫無懼色 , 見一個剎一個 , 個個都手心漂汗 , 精彩痛快之餘又學到。  我此項殺在員工口中廣泛流傳 , 人人都話班友死有餘辜 , 而自己疾惡如仇的風格亦傳為佳話。有朋友同我講我是一個很可怕的敵人 , 會令人寢食難安。

此場仗至勝的關鍵所在 :

R.S.P. 的運用的先後次序 – 如果行 P 先而 R.S. 兩方面未穩 , 可以說必敗無疑 , 此亦是之前不成功之因。

Timing – 改革切忌不要太急太快 , 但止血就一定要快而有效 , 一步未穩切不可行第二步 ,  21日定理的運用。

民心取向 – 改革的決心有民心支持 , 記 “得民心者得天下”之理。

狠 – 面對惡勢力及問題一定要狠 , 不要怕 , 要懂得分化及圍剿惡勢力 , 亦不要殺錯良民。

穩–  要先取得上下及其他人支持及協調配合 , 協同作戰才有勝算。

準 – 不輕舉妄動 , 免打草驚蛇 , 等待最佳時機作總攻擊 , 時機未到要忍。

變 – 用不同手法對付不同情況 , 心理戰的運用。

真係如我計劃一個月初見成效 , 三個月後斷尾。 結果比我預期順利 , 搞事份子集團瓦解 , 餘黨無幾耐都一個個慢慢 resign , 病假率下降到少於1% , 員工士氣亦慢慢回復, 又可提供到外界 Training機會 , 又幫到酒店人事部 , 可謂幾贏局面 , Department Head 自然識得去領功 , 冇耐仲升埋職添 , 這一場仗都算打得漂亮。