Tasting Date 3 July 2007

原本想自自在在與一班酒友輕輕鬆鬆咁渡過一個晚上 , 不知是否天意竟給我們遇上了…………..

在比試中 , 有兩支 Chateau Lascombes 1997 , 兩支由不同酒主帶來 , 其中一支是自己的最後一支存貨 (bottle A) , 兩支酒都在當天下午不同時段開瓶透氣 , 一支 A 酒作原瓶長透 , 而 B 酒則是短時間落 decanter 透氣 , 但落杯後表現竟然是兩回事 :

A酒 – 酒色己帶少許磚黃 , 香氣帶成熟梅味 , 優雅而柔和 , 入口酸度纖細 , 酒體中厚 , 單寧只剩下些微 , 果味柔順舒服自然 , 平性佳而有綿綿不絕的內涵。

B酒 – 酒色深紅 , 粉紅邊 , 香氣帶車尼子味 , 很平淡很年青 , 入口酸度明顯 , 單寧較大 , 雖然線條不算粗但有點粗糙感 , 味道出現斷層 , 冇內涵而收結極短。

好在大家仲清醒及將兩支酒分開處理 , 同一牌子 , 同一年份 , 相似處理方法無理由會有如此天淵之別 ????

事件極不尋常 , 各酒友即時變晒做 CSI 尋根究底 , 一步一步追查。

兩個酒樽 Label , 樽身完全一模一樣 ,

A酒編號 108448 經本地酒商買回 ,

而 B 酒編號 106881 則由澳門 買回來 。

為方便識認 , 所有證物帶回家並用單鏡機加微距鏡將細節盡量重現 , 真係當驗屍咁驗。更在相中用 Photoshop 加上箭嘴及 A, B , 以指出分別 。

A, B 樽 基本上 100% 相同

鍚紙封蓋極似 , 唯一 B 樽的 LAS 字印刷較粗及少許甩色 , 而 A 樽印一刷較 fine.

盲都睇到酒塞分別很大

酒塞底 B 樽隱約見到 1997 字樣 , 會這樣印的嗎??

嘩 , 酒塞印刷分別仲大 , 我己用紅色箭嘴一一指出

字 fonts 及間隔不同

留意右下角柱底的字 A 樽是 2 個 背貼背 G 字 , 而 B 樽是 LBG , 柱身及柱頂。

字 fonts 不同

迷思費解:

1) 之所以有此分別Chateau Lascombes 會不會有兩條不同生產線呢 ? 但若真有兩條生產線無理由酒質會有咁大分別 ? 各位資深酒友或高人可否指點一?

2) 同一牌子 , 同一年份 , 酒樽相同 , 酒質、酒塞不同 , 這是否意味其中一支是借屍還魂酒?

3) 若是假酒又點解唔做到連個酒塞都一模一樣 ? 碼花紋不會如此大分別。

4) 以酒質而論 A 酒較附合年份 ,  Lascombes 及Margaux 風格 , 我之前亦飲過幾支都是一樣的。Lascombes 在澳門叫利事金 , 很好意頭 , 豆豉鯪魚都有假 , Lascombes 有假亦絕不出奇。

5) 真是一次可遇不可求的經驗 , 若果當晚不是兩支同場比較 , 又或不是一支一支分開處理及比較而是同時倒入同一 decanter 內 , 又或者不是遇我呢班酒徒 , 又或人已飲到東西難辨 ……… 良機可能就此錯失了。

6) 上兩星期在西域異形中有 Blog 友提醒提防假酒 , 估唔到咁快就遇上。

今天己寫 email 去問 Lascombes , 待覆。

好彩直到今日自己都冇唔舒服  ,  亦無嘔吐痛 ………………..