鬧市中的綠洲 – 品茶好去處

b22
 

有朋友睇完我十篇 「知茶識趣」糸列後 , 很想搞個茶聚 。 苦於地點及時間 , 較難相就始終未能如願。 前幾天與一位台灣朋友 SMS , 她 forward 了兩篇食評給我 , 其中一段講及一個位於 Times Squre 的茶莊……..  一睇心知 “This is it”  於是晚一支公去探探路 , 踩踩場。

茶莊位於羅素街 38 號 金朝陽中心 32 樓 3201 室 , 營業時間 1000 – 2200 hrs 。 自己經常出入 Times Square 哂。 當晚自己約 2000 hrs 上去 , 俾我一個人包個場  。四張 , 每約 6 位 , 與空間足夠而舒服 , 四面玻璃加實牆 , 人多加大聲可能會嘈 , 但茶室始終唔係街市 , 當你身處其中自然會被環境影嚮 , 加上清醒又點會大大聲講。

自己最怕人 Hard Sell , 入到茶莊只見一位年青人睇舖 , 週圍睇睇 , 望望個價目表 最低消費 $30 / per head. (兩小時計) ,   再睇茶 menu 分三種級數 $30, $60, $120 一手 , 一手可供 4 位用 , 一都唔貴。 茶的選擇頗多 六大茶類齊備 尤以普洱最主打 , 茶具配套一應俱全 , (搞個 小組 tea training 都得) 當然  BYOT 自來茶就 I am sorry 不可以了 , 這點可以理解 。  一切都幾滿意 , 於是要坐下來試一試質素 – 從 menu 中選了一手中價位 武夷水金龜$60

b23

茶莊的年青人 – Steve 問我要焗盅定紫砂壺 , 我選了紫砂壺並幫我 set 好工具 , 暖好壺 , 放茶 。 工具配套都算幾好 , 當然不及自家的就手 , 但以一個茶室來說己算合格。 我靜的留心 Steve 給我的茶葉分量 , 從手勢已知 Steve 很清楚茶的品質及何謂合適份量。 跟茶的有些茶點小吃 ( 蛋卷 , 曲奇士………) 之類 , 回謝了!

b25

開始試茶 , 茶的質素唔錯屬中上級  , 四泡依然有變化及有板有眼 , 武夷水金龜為武夷十二金釵之一 , 茶湯微黃清亮 , 中火茶 , 味帶微甘 ,  岩韻聚而長 ,  以這價錢絕對合理。  全程自由自在 ,  冇人走來打擾 ,  睇窗外夜色 ,  靜靜睇茶書 , 同 Steve 傾計 , 就這樣 自沖自飲 的坐了一小時。走時 又唔會 sell  你買茶 , 埋單就係 $60。

我自己亦去過志蓮靜園的茶室 , 價錢差四倍 , 但裝修人手佔去茶價的 八成半 , 茶的質素只有一成半 ,  不及此處實際。

今次踩場成功 , 將來可以約人搞午間茶聚。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s